Јапонија: Лав усмрти чувар во зоолошка
Чувар на зоолошката градина во Јапонија бил убиен од лав кога се обидел да го намами во кафезот со храна.
Кеничи Като, 53-годишен работник во паркот „Тохоку сафари“ во регионот Фукушима, вчера попладнето бил пронајден крвав на вратот и онесвестен во кафезот со лавот, изјави за АФП портпаролот на локалната полиција.
„Се верува дека го хранел лавот“, изјави портпаролот.
Претходно беше кажано дека Като се обидел да го намами лавот во кафезот со храна, но не ја заклучил вратата што требало да го одвои од големата мачка.
Като работел 27 години со лавови, тигри и мечки, пишува Дејли мејл.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
