Министерката за образование и наука Весна Јаневска обелодени сериозни неправилности во работењето на дел од високообразовните институти. Таа посочува дека еден од нив бил регистриран во простории на обложувалница.
„Комисијата на МОН кога направи проверки во еден институт, беше регистриран во кладилница – задниот дел, а своите функции требаше да ги врши на две столчиња и два душеци. Има полесни примери, а ова е најбруталниот. Под називот приватен институт се обавуваат други функции, како примерот со кладилницата“, рече министерката.
Јаневска најави затворање на институти кои не ги исполнуваат основните услови за работа. „Ова се мерки кои се значајни и потребни за да се подобри квалитетот на високообразовната научната дејност“, додаде таа.