Министерството за образование и наука го повлече изборниот предмет „Сеопфатно сексуално образование“ од средните училишта, соопшти министерката Весна Јаневска.
Таа рече дека по реакциите во јавноста ќе биде направена длабока ревизија на програмата, која опфаќа теми за семејство, заштита од сексуално преносливи болести и несакана бременост, рамноправност и недискриминација.
Јаневска посочи дека Бирото за развој на образованието ќе ја разгледа програмата „збор по збор“, иако оцени дека постојат научни докази дека ваквото образование е корисно за средношколците.
Министерката се осврна и на резултатите од ПИСА 2025, кои ги оцени како многу лоши, но нагласи дека тие се однесуваат на генерација тестирана само шест месеци по доаѓањето на актуелната власт.
Според неа, ефектите од сегашните образовни реформи ќе можат реално да се видат дури за девет до десет години.