Државниот санитарен и здравствен инспекторат (ДСЗИ) денеска изврши вонреден надзор во кавадаречката болница по смртта на двомесечното доенче У.М. Според увидот во документацијата, бебето било хоспитализирано на 12 јануари поради повраќање и поспаност, но неговата состојба првично била стабилна.
На денот на смртта (14 јануари), визитата во 15:30 часот не покажала никакви критични знаци. Сепак, вечерта во 20:48 часот, мајката и медицинската сестра алармирале дека бебето не дише. И покрај 40-минутната реанимација од страна на педијатар и анестезиолог, бебето починало. Како причина за смрт во извештајот е наведена „ненадејна смрт на доенче“.