Состојбата со сметот во градот, а со тоа и во Општина Центар, е крајно загрижувачка и бара итни и кризни мерки на општинско ниво, откако нема информација дали и кога Градот и ЈП „Комунална хигиена“ ќе продолжат со собирањето на сметот.
Градоначалникот Герасимовски денес во 11 часот го свика Штабот за заштита и спасување со цел да се донесат итни одлуки за справување со кризата со сметот. Во текот на вчерашниот ден и ноќта, ЈП „ПОЦ“ продолжи со собирање на сметот и се работи во две смени. Акцијата продолжува секој ден.
Во 12:00 часот, по состанокот, градоначалникот Герасимовски ќе одржи прес-конференција во дворот на општината. Ве замолуваме за присуство, поради важните следни чекори со кои мора да бидат информирани граѓаните, информираат од Општина Центар во соопштението испратено до медиумите.