Исчезна тинејџер во Шпанија додека бил на одмор: На пријателот му рекол дека е изгубен и дека му треба вода
Британскиот тинејџер Џеј Слејтер исчезна пред една недела на шпанскиот остров Тенерифе, а потрагата по него продолжува, објави денеска „Скај њуз“.
Планински спасувачки и полициски тимови ја пребаруваат шумската област на Тенерифе откога 19-годишниот Слејтер исчезна на 17 јуни додека беше на одмор со пријателите. Семејството на Слејтер пристигна на островот за да помогне во потрагата, а досега се собрани повеќе од 35.000 евра за потрагата.
Во последниот телефонски разговор со пријател тинејџерот рекол дека се изгубил, дека му треба вода и дека батеријата на телефонот му била речиси празна додека се обидувал да се врати во своето сместување.
Слејтер последен пат бил виден од неговите пријатели на фестивалот NRG на 16 јуни.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
