Рација во охридското село Велгошти резултираше со апсење на три лица и заплена на дрога рано утрово.
Полициски службеници од криминалистичката полиција, постапувајќи по судска наредба, извршиле претрес во домот на 37-годишниот А.Љ., каде затекнале уште двајца негови соселани. При претресот биле пронајдени најлонски пакувања со бела прашкаста материја и марихуана.
Тројцата осомничени, на возраст од 31, 37 и 41 година, се лишени од слобода и против нив ќе бидат поднесени соодветни пријави.
„На 30.11.2025 година во 02:30 часот, на улица „Илинденска“ во охридското село Велгошти, лишени од слобода се А.Љ.(37), З.Т.(41) и Ј.М.(31), сите од истото село. Тие се затекнати во домот на А.Љ. каде, полициските службеници од криминалистичката полиција при СВР Охрид, по судска наредба, извршија претрес и пронајдоа најлонски опаковки со бела прашкаста материја и со опојна дрога Марихуана како и други предмети со остатоци од дрога. Истите се одземени и по целосно документирање на настанот, против нив ќе бидат поднесени соодветни пријави“, соопштија од полицијата.