Граѓанската иницијатива Support Kocani информираше за реализација на уште една значајна донација наменета за лицата кои се здобија со изгореници во големиот пожар. Со средства во висина од 1.023.871 денари, обезбедени од донации на граѓани и компании, набавени се специјализирани медицински препарати за нега и регенерација на кожата.
Во рамки на оваа набавка се обезбедени:
- 300 креми Bioderma SPF 50 за заштита;
- 300 креми Cicatrix за регенерација на лузни;
- 150 сетови La Roche-Posay за интензивна нега.
Од иницијативата нагласуваат дека изборот на препаратите е направен во директна консултација со засегнатите лица, согласно нивните реални потреби за долготрајниот процес на закрепнување.