Хрватски рекордер: Возач на алкотест покажал дека има 4,17 промили алкохол во крвта
Кај 32-годишен возач вчера вечерта во хрватскиот град Винковци алкотестот покажал дека има 4,17 промили алкохол во крвта. Полицијата го привела на трезнење, а му се заканува и висока прекршочна казна, пренесува Индекс.хр.
Вуковарско-сремската полиција соопшти дека синоќа околу 22:30 часот при сообраќајна контрола го запрела алкохолизираниот возач кој веднаш бил исклучен од сообраќај и сместен во специјални полициски простории.
Според табелата со алкохолни труења, концентрацијата од 4 и повеќе промили може да доведе до кома и можна смрт поради престанок на дишењето, многу низок крвен притисок или задушување при повраќање поради отсуство на рефлекс за искашлување на течноста од белите дробови.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа