Хрватска започнува најголема воена модернизација во последната деценија, откако Саборскиот Одбор за одбрана одобри четири големи набавки во вредност од 1,945 милијарди евра, јави ХРТ.
До 2030 година ќе бидат набавени тенкови „Леопард 2А8“, самоодни хаубици CAESAR, теренски камиони TATRA и систем за противдронска заштита. Средствата главно ќе се обезбедат преку европскиот финансиски инструмент SAFE.
Министерот за одбрана Иван Анушиќ истакна дека со овие инвестиции Хрватска ги надминува обврските за издвојување повеќе од 2% од БДП за одбраната, а во проектите ќе учествуваат и домашни компании како „Кончар“ и „Ѓуро Ѓаковиќ“, со што ќе се поттикне развојот на хрватската одбранбена индустрија.