Хорор во Ресен: Силувал шестгодишно девојче, искористил можност додека жртвата си играла со неговата внука

Основното јавно обвинителство Битола донесе наредба за спроведување истражна постапка против жител на Ресен против кого е поднесена пријава за кривично дело силување дете што не наполнило 15 години во согласност со член 188 став 5 од Кривичниот законик.

Постои основано сомнение дека пријавениот на 2 јуни во Ресен извршил други полови дејства врз девојче родено во 2017 година, со кое бил сосед. Тој притоа искористил можност додека жртвата, нејзината сестра и внуката на осомничениот заедно си играле.

Јавниот обвинител до судијата на претходна постапка достави предлог за определување мерка притвор за осомниченото лице оценувајќи дека тој би можел да ја попречува кривичната постапка со влијание врз сведоците и врз оштетеното дете или да го повтори делото.

Судијата го прифати предлогот на Обвинителството и на осомничениот му определи притвор во траење од 30 дена.