Трагичен инцидент се случи утринава во фабрика лоцирана во скопската населба Ѓорче Петров, каде што животот го загуби работник кој управувал со индустриски робот за пакување на готови производи.
Според неофицијални информации обиени од извори на 24Инфо, при управувањето со роботот дошло до несакани последици, по што системот, кој е управуван со вештачка интелигенција, активирал неконтролирана секвенца што довела до смртни последици.
Засега останува непознато што точно довело до инцидентот – дали станува збор за:
- Технички дефект.
- Пропуст во безбедносните протоколи.
- Грешка во софтверот.
Полицијата и Инспекторатот за труд веднаш излегле на лице место и ја обезбедиле фабриката. Техничките тимови веќе работат на детална анализа на системот и опремата.
Се очекува во текот на утрешниот ден да бидат објавени повеќе официјални детали за причините што довеле до трагедијата.