Изборот на добар ПИН-код често е вистински предизвик. Бараме број кој лесно се памети, но кој не смееме да го запишеме никаде. За разлика од комплексните лозинки, кај ПИН-от сме ограничени само на десет цифри, без можност за букви или симболи.
Како што пренесува „Унилад“ (UNILAD), многу луѓе посегнуваат по наједноставното решение – датумот на раѓање. Но, дали тоа навистина ве штити? Во дигиталниот свет, каде приватноста е постојано под напад, четирицифрениот број за вашиот телефон, банкарска картичка или сеф може да биде пресуден.
Најчестите грешки: Зошто „1234“ е сеуште број 1?
Ник Бери, експерт од компанијата „ДатаЏенетикс“ (DataGenetics), анализирал 3,4 милиони ПИН-кодови за да открие кои комбинации се најлесен плен за хакерите. Резултатите се загрижувачки: првите 20 најчести кодови сочинуваат дури 26,83% од сите анализирани податоци.
„Ако вашиот ПИН е премногу едноставен и некој го погодил, станува главна цел за хакери и крадци. Затоа е важно да размислувате креативно при изборот на броеви,“ советува Бери.
Овие 10 комбинации мора да ги избегнувате:
Доколку вашиот ПИН е на оваа листа, вашата безбедност е сериозно загрозена:
- 1234
- 1111
- 0000
- 1212
- 7777
- 1004
- 2000
- 4444
- 2222
- 6969
Дополнително, експертите предупредуваат да не се користат години на раѓање. На пример, комбинацијата 2000 е веќе на „црната листа“, додека 2001 се наоѓа на високото 20-то место по зачестеност.
Кои се најбезбедните (најретките) ПИН-кодови?
Истражувањето открива дека најретко користениот ПИН во базата од милиони податоци е 8068 – тој се појавил само 25 пати. Интересен е фактот дека најмалку користените кодови имаат специфична шема: ниту еден од нив не започнува со цифрите 1, 2, 3, 4 или 5.
Топ 10 најретки ПИН-кодови:
- 8557
- 8438
- 9539
- 7063
- 6827
- 0859
- 6793
- 0738
- 6835
- 8093