Грипот зема замав во Македонија. На Клиниката за инфективни болести во Скопје почина 69-годишен маж од внатрешноста, откако неговата состојба се искомплицирала по инфекција со инфлуенца А.
Директорот на Клиниката, Фадил Цана, информираше дека пациентот бил донесен во критична состојба со масивна бронхопневмонија и веднаш бил ставен на апарати. И покрај напорите на лекарите, тој не ја доби битката со вирусот. Пациентот имал претходни белодробни заболувања и не бил вакциниран.
Ова е втора жртва за краток период, откако неодамна почина и 75-годишна жена. Во моментов, на Инфективната клиника се хоспитализирани 30 лица со тешка клиничка слика, главно повозрасни граѓани со респираторни компликации.