Грција вакцинираше 1 процент од населението
Од почетокот на вакцинацијата во Грција, односно од 27 декември 2020 година, заклучно со попладнево, вакцинирани се 123.007 лица, со што имунизациската покриеност во земјата достигна до 1,13 отсто, соопшти денеска генералниот секретар од Министерството за здравство на Грција Мариос Темистоклеус, јави дописничката на МИА од Атина.
Од вакцинираните, 32.801 се лица над 85 годишна возраст, 81.000 се здравствени работници, а останатите се штитеници во домовите за стари и изнемоштени лица.
Вчера, како што рече Темистоклеус, биле вакцинирани 15.290 лица, што е рекорден број на дневно ниво.
Од утре, пак, започнува закажувањето термин за вакцинација за втората возрасна група, односно за граѓаните од 80 до 84 годишна возраст.
Паралелно, процесот на вакцинација ќе започне и на островите, а војската ќе биде задолжена за снабдување на островите со вакцината.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
