Гостивар: Бегал од полицијата - од кола фрлил автоматска пушка

Вчера, во 23:50 часот, во близина на местото познато како Здуњска крстосница во Гостиварско, полициски службеници од ОВР Гостивар го привеле Л.Ј. (20) од Гостивар. Според информации од МВР, претходно, Л.Ј. неколкупати не се одзвал на полициски знаци за стоп, и при пристигнувањето во Гостивар, тој го фрлил од возилото 'мерцедес' со гостиварски регистарски таблички, кое го возел, автоматска пушка со рамка со два куршуми во неа. Пушката била пронајдена и конфискувана. Л.Ј. е задржан во полициска станица, и по деталното документирање на случајот, против него ќе биде поднесена пријава според член 396 од Кривичниот законик.