Голем кибер напад врз украинската железница
Украинската државна железница „Укрзализниција“ денеска објави дека нејзините онлајн системи биле изложени на кибер напад од големи размери.
Во тек е обновување на онлајн системот, соопшти компанијата во објавата на апликацијата за пораки Телеграм, а сообраќајот на возовите е стабилен и работи без одложувања.
Истовремено, украинските воздухопловни сили денеска соопштија дека собориле 57 од 99-те беспилотни летала лансирани од Русија во текот на ноќта.
Дополнителни 36 беспилотни летала не успеаја да стигнат до своите цели, се наведува во соопштението.
Не е наведено што се случило со преостанатите шест дронови.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
