Црногорската полиција поднесе кривична пријава против тројца малолетници на возраст од 15, 16 и 17 години, поради сомнение дека физички нападнале седумнаесетгодишно момче во училишниот двор во Беране.
Според информациите од Управата на полицијата, инцидентот бил пријавен во Дежурната служба на Одделот за безбедност во Беране на 13 октомври. Полициските службеници кратко по пријавата успеале да ги идентификуваат сите тројца осомничени.
Истрагата покажала дека малолетниците по кратка вербална расправија го нападнале момчето, нанесувајќи му повеќе удари во пределот на главата и телото.
За случајот веднаш бил известен дежурниот државен обвинител во Основното државно обвинителство во Беране.
По увидот во списите од предметот, обвинителот оценил дека во дејствијата на тројцата малолетници има суштински елементи на кривично дело „насилно однесување“ и наредил поднесување на кривична пријава, која официјално е поднесена во четврток (15 октомври).