Реља Поповиќ е еден од најуспешните српски рапери и актери, со бројни хитови и успешни филмови, но неговиот живот не бил секогаш лесен.
Познатиот пејач, роден на 2 август 1989 година во Белград, едвај преживеал поради сериозен напад. На 22 мај 2008 година, додека седел во кафуле со пријателки, до нив седел видливо пијан маж кој им дофрлувал навредливи зборови и барал да му играат на маса. Реља, во одбрана на девојките, започнал расправија со него. Кога излегле од кафулето, мажот му ставил пиштол на глава, а Реља успеал да го симне оружјето — но куршумот го погодил во стомакот.
„Почувствував силна болка во стомакот. Не знам ни како успеав да го спуштам пиштолот, само почувствував огромна болка“, изјавил тој за српските медиуми. Десетина дена поминал во шок соба, а лекарите едвај успеале да го спасат. Денот на нападот Реља го слави како свој втор роденден.
Пејачот преживеал и друга трагедија во животот — на само три години го изгубил својот татко. Неговата мајка, Зоја Беголи, позната српска балерина и солистка, починала во 2017 година.
Денес Реља ужива во среќен брак со Николија Јовановиќ, ќерката на легендарната пејачка Весна Змијанац, со која има две ќерки.