Го прикривале дека не доаѓал на работа - „Паднаа" вработени во Управа за водење матични книги

СВР Скопје поднесе кривични пријави против тројца вработени во Управатa за водење на матични книги Ј.Б.(41), Г.А.(37) и К.Н. (34) сите од Скопје.

Првопријавениот во текот на 2024 година постапувајќи несовесно во извршување на своите надлежности и овластувања не извршил надзор за кој бил должен над третопријавениот со оглед дека К.Н. воопшто не се појавувал на своето работно место во периодот од јули и август 2024 година и не ги извршувал своите работни задачи. За тој период истиот бил евидентиран како присутен на работно место, со што првопријавениот му овозможил да се стекне со материјална корист во износ од 47.119 денари.

Второпријавениот несовесно и спротивно на законските прописи, бил должен да знае дека третопријавениот во одреден временскиот период бил надвор од државата, истиот го евидентирал како присутен на работното место во листата на редовност и врз основа на внесените работни часови му овозможил да му биде исплатена плата и да се стекне со материјална корист во износ од 103.772 денари.

По ова иако спротивно на законските прописи третопријавениот си продолжил да доаѓа на работното место, а му била направена исплата, при што го оштетил Буџетот на РСМ во износ од 150.891 денари.

 Ј.Б. и Г.А. се сомничат за сторени кривични дела – „несовесно работење во службата“ и „фалсификување исправа“, додека К.Н. за сторено кривично дело „несовесно работење во службата“.