На 23.03.2026 година во 23:30 часот, на регионалниот пат Демир Капија – Неготино, кај местото викано „Острово“, полициски службеници од Полициската станица за граничен надзор Михајлово го лишија од слобода Б.Е. (29) од Република Турција.
Претходно, при преземање на мерки кај клучка Тремник, полициските службеници забележале дека од возилото „Шкода Камик“ со скопски регистарски ознаки, кое го управувал, излегле неколку лица. Возилото наскоро било запрено, Б.Е. лишен од слобода, а по пребарување на теренот биле пронајдени пет лица – мигранти од Египет.
Лицето е задржано во полициска станица, додека мигрантите се пренесени во Прифатно-транзитен центар Винојуг во Гевгелија. По целосно документирање на случајот, против него ќе биде поднесена соодветна пријава.