Германија ќе обезбеди најмалку 150 милиони евра (174,9 милиони долари) за нов пакет американско оружје што ќе биде доставен до Киев во рамките на иницијативата на НАТО за помош на Украина наречена Листа на приоритетни барања за Украина (ПУРЛ), изјави германскиот министер за одбрана Борис Писториус по состанокот со неговите колеги од Велика Британија, Франција, Италија и Полска.
-Русија масовно ја напаѓа цивилната енергетска инфраструктура на Украина додека земјата се подготвува за четвртата зима во војна, изјави Писториус пред новинарите во Берлин.
„(Рускиот претседател Владимир) Путин очигледно се обидува да ја направи зимата што е можно понеподнослива за Украина, да ги обесхрабри и да го скрши отпорот на Украинците“, додаде тој.
Писториус нагласи дека системите за воздушна одбрана „Патриот“ за Украина можеа да бидат доставени побрзо доколку не беше парализата на буџетот во Соединетите Американски Држави.
Германија веќе финансира еден таков пакет помош во висина од 500 милиони евра во рамките на механизмот ПУРЛ.
Преку иницијативата, земјите што сакаат да го сторат тоа можат да купат одбранбено оружје од САД според она што им е најпотребно на украинските сили, а потоа да им го достават.