Пратениците од крилото на Зијадин Села веќе повеќе од еден месец делуваат независно од коалицијата „Европски фронт“, а Собранието е подготвено и официјално да ги евидентира под ново име, потврди денеска претседателот на Собранието, Африм Гаши.
„Тие веќе се изјаснија дека делуваат посебно откако се издвоија од Европскиот фронт. Штом ќе одредат ново име на нивната група и официјално ќе го достават до нас, ние ќе го регистрираме. Потоа, сите останати пратеници ќе бидат известени дека тие тројца пратеници отсега делуваат под тоа име“, појасни Гаши.