(ФОТО) Шаќири се сретна со Аксинте: Наши луѓе користат стипендии на универзитети во Романија

Министерот за образование и наука Јетон Шаќири денес оствари средба со амбасадорката на Романија во Република Северна Македонија Адела Моника Аксинте. На средбата се разговараше за унапредување и интензивирање на билатералната соработка во делот на образованието и науката.

 

„Со пријателска Романија и сега бележиме успешна образовна соработка. Посебно сакам да нагласам дека многу наши млади луѓе користат стипендии за додипломски, магистерски и докторски студии на државните универзитети во Романија. Ја запознав амбасадорката и со идните активности, планови и приоритетите на Министерството, насочени кон создавање квалитетно инклузивно образование за секое дете “,посочи по средбата министерот Шаќири.

Двајцата соговорници се согласија дека има заеднички интерес за натамошно проширување на поддршката и размена на искуства во образованието и науката, како најсилни механизми за забрзан раст и развој на државите и докажани начини за создавање блиски релации меѓу народите од двете земји.

13.05.2022 - 10:44

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега