По настанатиот проблем со патот кон Теферич, градоначалничката на Општина Кисела Вода, Бети Стаменкоска Трајкоска, денес повторно излезе на терен заедно со градоначалникот на Општина Сопиште, Јане Мицевски. По направените анализи на теренот и координација со сите релевантни институции , ја информираме јавноста дека патот е затворен за сообраќај.
Воедно, ги известуваме граѓаните дека сите надлежни институции интензивно работат на изнаоѓање на најбрзото и најбезбедното техничко решение за трајна санација на настанатото оштетување. Оваа мерка е неопходна со цел да се заштити животот и здравјето на сите учесници во сообраќајот, бидејќи заштитата на нашите сограѓани е одговорност од која нема да отстапиме.
Апелираме до сите граѓани да ја почитуваат поставената сигнализација и да ги користат алтернативните патни правци сè до целосно отстранување на дефектот, информираат од Општина Кисела Вода.