ФОТО: Пандев со емотивна порака - „Сонот го испишавме, одиме да испишеме историја“

Капитенот на македонската фудбалска репрезентација, Горан Пандев дефинитивно заслужи својата богата фудбалска кариера да ја круниса со настап на едно големо натпреварување со Македонија.

Тој сон му се исполни, па за два дена Гоче со капитенската лента ќе истрча на стадионот во Букурешт предводејќи ја Македонија во испишувањето на најблескавата историја во македонскиот репрезентативен фудбал.

На денот на почетокот на Европското првенство, капитенот со емотивна порака се огласи на социјалните мрежи и порача македонската јавност да даде поддршка на репрезентацијата.

– Дојде и тој ден кога почнува Европското првенство. Денот кој го сонував долго време низ мојата кариера, Македонија да игра на едно вакво големо натпреварување…Ова можеби се моите последни натпревари за македонската репрезентација. Сакам како капитен да се обратам на целата нација…Оваа генерација е најсветото несто во македонскиот фудбал, ова е генерацијата што ја обедини цела Македонија. Горд сум на секој момент и секоја капка пот пролеана во светиот дрес. Сонот го испишавме, одиме да испишеме историја. Бидете со нас и навивајте за Македонија, -напиша Горан Пандев на својот Инстаграм профил.

 
 
 
View this post on Instagram

A post shared by Goran Pandev (@goranpandev19)

11.06.2021 - 20:38

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега