(ФОТО) ИРИ: Груевски во моментов е политичар со најголем рејтинг во Македонија
Најновата анкета на ИРИ, покажува дека во случај утре да се одржат предвремени парламентарни избори 19% од граѓаните би гласале за ВМРО-ДПМНЕ. Согласно резултатите на извршената анкета, за СДСМ би гласале 11% од населението, 7% за ДУИ, а 6% за политичката партија Левица.
Доколку се споредат оваа анкета и онаа лани од ноември, може да заклучиме дека паднал рејтингот на владејачката СДСМ за 5 поени, а на ВМРО-ДПМНЕ за 1 процент.
Рејтингот на ДУИ останал ист додека на Левица се зголемил за 2 поени.
Поранешниот премиер Никола Груевски, ја носи титулата „напопуларен политичар во Македонија“, согласно последната анкета. Довербата за него е 7%, ама пораснала дупло, споредено со минатогодишните 3%.
Лидерот на ВМРО-ДПМНЕ, Христијан Мицкоски има доверба од 6%, на исто рамниште со Ахмети, а потоа следи Ковачевски со 5 процебти..
Согласно податоците на анкетата, најголемиот број од испитаниците, поточно 60% сметаат дека земјава се движи во погрешна насока што е речи си двојно повеќе од лани, а како најголеми проблеми се истакнуваат слабиот стандард, високите цени и корупцијата.
Анкетата е спроведена од Брима врз репрезентативен примерок од 1,207 испитаници во периодот од 23 септември до 13 октомври
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
