Лекарот и приватен специјализант Дарко Василевски денеска започна мирен протест со штрајк со глад пред Деканатот на Медицинскиот факултет во Скопје, откако изминатиот период не добил никаков одговор од надлежните институции на неговите прашања и реакции.
Василевски преку јавна објава им се заблагодари на сите за дадената поддршка, нагласувајќи дека овој чекор не е насочен против никого лично:
– Оваа одлука не ја донел лесно и дека неговата акција не е насочена кон никого лично.
Тој на местото на протестот постави клупа, а најави и поставување шатор со намера да престојува таму 24 часа дневно во периодот што следи. Протестот е револт поради спорот околу последниот оглас за вработување двајца доктори по медицина на неопределено време во Институтот за медицинска и експериментална физиологија со антропологија. Тој претходно сведочеше за наводни дискриминаторски забелешки за возраста од членови на комисијата уште во 2022 година.