(ФОТО) Чадиева од СДСМ „распали“ по градоначалникот Колев: „Се што кажа Градоначалник, се излажа - немаш веќе џокери“

Претседателката на СДСМ Велес, Даница Чадиева во врска со хаосот којшто се создаде по силното невреме во Велес, се огласи на социјаланта мрежа Фејсбук. Објавувајќи фотографии од поплавени површини од градот, Чадиева го впери прстот кон градоначалникот Марко Колев, на кој му порача дека „се што кажал, излажал“.

„Велес денес.Се што кажа Градоначалник,се излажа.Ти остана уште финтата со “добар ден,како сте”на улица познавајќи го некој или не?!Не сум сигурна ама мислам дека и со тој “џокер”си при крај.Велес се сака со срце ,ама не како Вашите“, напиша Чадиева на социјалната мрежа Фејсбук. 

Велес град на спортови ,вчера рели ,денес регата, прокоментира на друга објава Чадиева, објавувајќи фотографии од поплавени површини од градот. 

Инаку, како што информиравме и претходно денеска градот Велес беше буквално под вода, по страшното невреме проследено со обилен дожд и силни грмотевици. За невремето предупредија и од УХМР.