Претседателот на Социјалдемократскиот сојуз на Македонија, д-р Венко Филипче, на денешната прес-конференција говорејќи за алармантните економски показатели, предуреди дека животот во Македонија е најскап во државите во регионот, цените постојано растат, инфлацијата не сопира, а власта упорно се обидува да манипулира со податоците.
„Не можеме да ја игнорираме инфлацијата. Владата се фали со –0,2% месечна инфлација, користејќи споредби месец на месец, кои звучат убаво, но немаат никакво значење за потрошувачката кошница, за семејниот буџет, за плановите на бизнисите. Реалната годишна инфлација е околу 4%, и таа се чувствува секој ден, имаме најскап живот од сите држави во регионот“, рече Филипче.
На прес-конференцијата Филипче предупреди дека речиси сите податоци укажуваат на алармантна состојба на буџетот и економската состојба во државата.
Реализацијата на приходите 70,78% или 256,5 милијарди денари, а на расходите 72,82%, односно речиси 294 милијарди денари. Со ова темпо до крајот на годината ќе недостигаат околу 1,4 милијарди евра за да се покријат сите трошоци, што како кажа Филипче е фрапантна буџетска дупка, која ќе треба да се покрие со задолжување.Странските инвестиции исчезнуваат, реализацијата на капиталните инвестиции е само 43,78% од предвидените средства, а со сегашното темпо на задолжување Македонија е прва задолженост во Западен Балкан.
„Затоа, денес, го поставувам наједноставното, но најважно прашање за оваа власт: каде е планот? Како Владата планира да ја покрие буџетската дупка од 1,4 милијарди евра до крајот на годината? Каде се капиталните проекти што беа најавувани? Каде е стратегијата за наплата на приходите, за стабилност, за инвестиции?“, рече Филипче.
Тој нагласи дека економијата не се води со лажни бројки и ПР кампањи.
„Економија се води со одговорност кон секој денар, со сериозна стратегија, со стабилност и со план. Ништо од тоа не гледаме од оваа влада. Ако не постои јасна стратегија, ако реалноста се прикрива со лажни индикатори, тоа јасно укажува дека на среден и долг рок оваа власт ќе го столчи и стандардот и економскиот развој“, рече претседателот на СДСМ, Венко Филипче.