Во пресрет на денешниот голем христијански празник Петровден, вчера во Виница, го посетив првиот Петровденски базар. Искрено ме воодушевија талентот, креативноста и посветеноста на локалните уметници и занаетчии, информираше на социјалните мрежи лидерот на СДСМ, Венко Филипче.
Секоја рачна изработка носи своја приказна и сведочи за богатата традиција, трудот и љубовта што луѓето од овој крај ги вложуваат во она што го создаваат. Базарот беше збогатен и со претставувањето на виничките винарии, кои преку своите производи успешно ја промовираат локалната винска традиција.
Ваквите настани се можност да ги поддржиме домашните творци и локалните производители, да ги афирмираме локалните таленти и да го зајакнеме духот на заедништво, стои во објавата на Филипче на ФБ.