Премиерот Христијан Мицкоски сака да биде „Малиот Вучиќ“. Со ваква остра квалификација излезе претседателот на СДСМ, Венко Филипче, на денешниот брифинг со новинарите, посочувајќи дека соработката меѓу македонската власт и српската СНС е очигледна.
Филипче смета дека имитацијата оди до таму што Мицкоски го копира дури и говорот на телото на српскиот претседател.
„На граѓаните веќе им паѓа во очи како премиерот Мицкоски сака да го имитира претседателот Вучиќ, во движењата, во стоењето, во начинот на давање изјави и во концептите на политиката. Прекарот веќе го доби, малиот Вучиќ“, рече Филипче.
Според лидерот на опозицијата, целта е во Македонија да се воспостави систем каде еден човек ќе ја претставува целата политика и ќе издава наредби на сите други.