„Фајненшл тајмс“: БиХ треба да се ослободи од Додик пред да влезе во ЕУ

БиХ треба да се ослободи од сепаратистичкиот српски лидер Милорад Додик пред да влезе во Европската Унија, пишува „Фајненшл тајмс“ (ФТ) повикувајќи се на изјавата на високиот претставник за БиХ, Кристијан Шмит, дека не може да замисли Додик и неговата придружба да одлучуваат за европските прашања.

„Не мислам само на неговото блиско политичко пријателство со Владимир Путин, туку и на неговото непредвидливо однесување“, рече Шмит.

Додека Балканот се подготвува за пристап во ЕУ, Босна е една од двете земји што допрва треба да ги решат основните прашања за државноста. Втората е Косово, пишува ФТ.

Босна и Херцеговина го претрпе најтешкото од југословенските војни во 90-тите и оттогаш земјата е управувана со меѓународен мировен договор. Сè уште е оптоварена со криминал, корупција, сиромаштија и емиграција, пишува весникот.

27.09.2023 - 13:24

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега