Ердоган: Не ни треба дозвола од никого за воената операција во Сирија и Ирак

 

Претседателот на Турција, Реџеп Таип Ердоган, изјави дека земјата е решена да ја уништи Курдистанската работничка партија – „до последниот терорист“, пренесуваат агенциите.

– Терористичката организација, која претрпе големи загуби во операциите што ги спроведува Турција долж нејзините јужни граници, го покажа своето валкано лице пролевајќи ја крвта на невините луѓе со минофрлачки напади врз цивилните населби на нашите граници – рече Ердоган.

По владиниот состанок во Анкара, турскиот претседател посочи дека продолжуваат чекорите за формирање безбедносна зона, длабока 30 километри долж нејзините граници.

– Не ни треба ничие одобрение, додека преземаме чекори во однос на безбедноста на нашата татковина и нашиот народ и нема да известуваме никому – рече Ердоган.

Турскиот претседател посочи дека никој со празни закани нема да ја принудува Турција на позиции спротивни на нејзините интереси на политичко, дипломатско, економско и воено ниво.

– Никој не треба да биде вознемирен од воените операции на Турција, со цел проширување на безбедносната зона – заклучи Ердоган.

Од 20 ноември Турција спроведува воздушна операција против сириското крило на забранетата Курдистанска работничка партија во северна Сирија. Беа извршени напади врз градот Кобане, како и на северот на Ирак,пренесе Новости.рс.

29.11.2022 - 12:53

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега