Ердоган најави нормализирање на Турција од март

Турскиот претседател Реџеп Тајип Ердоган најави нормализирање на животот во таа држава во март. Според неговите најави, ќе се укине викенд „локдаунот“ кој е во сила низ целата држава. Но, тоа ќе се прави во некои провинции врз основа на епидемиолошката состојба.

Во декември минатата година, во Турција беше воведен полициски час, локдаун за време на викенд и други органичувачки мерки поради зголемениот број на новозаразени.

Турција од 1 март планира постепено да ги отвори и училиштата низ целата земја.

Зборувајќи по состанокот на владата во Анкара, Ердоган кажа дека одлуката за повторно отворање на кафулињата и рестораните ќе биде донесена во следните неколку дена и притоа ги повика граѓаните да продолжат да се придржуваат до препорачаните мерки.