Ердоган и Путин разговараа за судирите во Појасот Газа
Претседателите на Русија и Турција, Владимир Путин и Реџеп Таип Ердоган, разговараа по телефон за тензиите во Појасот Газа и Ерусалим, беше објавено денес од кабинетот на турскиот претседател.
Лидерите на двете земји разговараа во време кога Анкара бара меѓународна акција против Израел, а Ердоган му рече на Путин дека меѓународната заедница треба да му одржи „лекција на одвраќање“ на Израел, пренесува „Ројтерс“.
Ердоган повика на завршување на процесот на испраќање меѓународни мировници во регионот за да се помогне во заштитата на Палестинците, што Турција го предлага од 2018 година.
Непријателствата меѓу Израел и Хамас денес ескалираа со најмалку 35 лица убиени во Газа и петмина во Израел.
Палестинските сили испукаа стотици ракети кон Израел, кој изврши силни воздушни напади врз Појасот Газа.
Макфакс
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
