Елмас: Против Холандија ќе покажеме зошто сме овде и со победа ќе се одјавиме од ЕП

На вчерашниот брифинг, Ељиф Елмас изјави дека без разлика дали Холандија ќе игра со прв или втор состав, ги чека нова тешка битка на овој шампионат.

„Спремни сме за овој натпревар. Нè очекува тежок дуел, без разлика на тоа што Холандија може да игра со втор состав. Тоа нас не ни е многу важно. Треба да ја играме нашата игра и да продолжиме со одличните партии на овој турнир и време е да ја израдуваме нацијата со една победа. Одигравме два солидни меча, но тоа неискуство во нашите редови ни направи проблеми. Затоа треба почесто да бидеме на ваквите натпреварувања. 

Не може од сега да се знае дали натпреварот ќе биде отворен. Холандија игра технички фудбал, но ние треба да си ја играме нашата игра. Треба да покажеме дека заслужено дојдовте на овој шампионат и настапот да го завршиме со победа", рече Елмас.

21.06.2021 - 09:10

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега