Најмалку 22 луѓе се повредени во експлозија што се случи во индустриската зона на аргентинскиот град Езеиза.
„Експлозиите и последиците од пожар во неколку објекти се ужасни“, изјави градоначалникот на Езеиза, Гастон Гранадос. Тој додаде дека причината за пожарот сè уште не е утврдена.
„Се обидуваме да го ставиме огнот под контрола и да го изгаснеме, но сè уште не успеваме“, наведе Гранадос.
Според локалните медиуми, пожарот зафатил најмалку пет објекти.
Директорот на Канцеларијата за цивилна заштита на покраината Буенос Аирес, Фабијан Гарсија, изјави дека индустриската зона е сместена во близина на меѓународниот аеродром и во неа се наоѓаат компании со различни производи, меѓу кои производители на гуми, хемиски фабрики и магацин на „Ајрон Маунтин“, фирма која се занимава со архивирање документи и податоци.