Џонсон и одговори на Босанката чиј син беше избоден со сож во Лондон: Правиме апсолутно се што можеме

Премиерот на Велика Британија, Борис Џонсон рече дека прави „апсолутно сè“ во борба против насилното злосторство, откако  мајка и поранешен активист на Конзервативната партија, од Мостар, Јасна Баджак, побараа од него помош бидејќи нејзиниот син Свен (22) бил брутално убиен со нож во Лондон, а неговиот пријател Боби (17) бил тешко повреден.

Инаку, според зборовите на мајката, Свен бил амбициозен млад човек кој сакал да биде адвокат и живеел во западен Лондон. Тој е убиен, а неговиот пријател се бори за живот откако бил нападнат од банда во Килбурн.

Премиерот Џонсон им изјави на новинарите дека неговите мисли и молитви биле упатени кон г-ѓа Баџак и нејзиното семејство „во тага поради загубата на нивниот син“.

„Мислам дека тоа што се случува на улиците на нашите градови е многу тажно и сакам да видам деца заштитени од криминални банди, злосторства со ножеви и насилство“, рече Џонсон.

Тој додаде дека е загрижен дека стапката на криминал може да се зголеми бидејќи земјата се опоравува од затворањето заради пандемијата на коронавирусите.

Тој исто така изјави дека се прават напори да се обезбеди „остар одговор од полицијата“, но исто така „да се осигура дека децата и младите имаат активности што ќе ги отстранат од нихилистичката банди“.

„Не е утеха за мајката која е во тага, но правиме апсолутно се што можеме за да се бориме против тие банди“, рече тој.