Две страшни експлозии во Холандија: Уништени локали, во едниот пронајден сомнителен пакет

 

Во холандскиот град Арнем во текот на ноќта се случиле две експлозии во трговски центар, а повредени нема, соопшти полицијата.

Утрово околу 3:45 часот по локално време полицијата добила пријави за „силна експлозија“, се наведува во соопштението.

Една од експлозиите се случила во ресторан, каде вчера бил пронајден сомнителен пакет и по налог на градските власти бил затворен.

Според извештаите, тој пакет бил отстранет, а неговата содржина не е позната.

Полицијата соопшти дека истражува поврзаност меѓу двата случаи.

Отприлика во исто време се случила експлозија во соседната зграда.

Според полицијата нема повредени и се врши увид.

Еден од овие два објекти веќе доби предупредување од градските власти во 2021 година за загрозување на безбедноста на локалните жители.

Во 2020 година таму имало тепачка и пожар.

09.06.2023 - 11:51

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега