Двајцата повредени во несреќата во Нови Сад се уште се во тешка состојба
Повредените при падот на настрешницата на железничката станица во Нови Сад, пациентот Ц.В. (18) и пациентката М.Т. (24), се уште се на интензивна нега во Клиничкиот центар во Војводина и се во тешка, но стабилна здравствена состојба, соопштија денеска од КЦВ.
„Тие се свесни и дишат спонтано. Мултидисциплинарен консултативен тим од лекари, медицински сестри и здравствени техничари обезбедува комплексен интензивен третман со континуирано следење на виталните функции и психолошка поддршка која е постојано присутна“, се вели во соопштението.
Во несреќа на 1 ноември загинаа 15 лица, кога врз нив се урна армирано-бетонска настрешница од неодамна реновираната зграда на железничката станица во Нови Сад, објави Нова.рс.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
