Два дена притвор за скопјанецот поврзан со убиството во Чаршијата

Судот му определи мерка краткотраен притвор во траење од 48 часа на скопјанецот што беше уапсен за двојното убиство во скопската Чаршија во „Шиша бар“, кое се случи пред три месеци, поради постоење можност за бегство.

Ова е прво лице на кое Кривичниот суд му одредило и притвор, а се поврзува со овој случај.

Автомобилот „ауди“ беше запален во Бутел кратко по двојното убиство. Од него останаа регистарските таблици. Возилото било оставено кај подвозникот што води кон Мирковци.

Во престрелката во „Шиша бар“ убиени беа Јетон Кривањева, наречен Жила, и Енес Исени, кои се поврзуваа со наркопазарот.