Во својот последен обид да ја нападне ДУИ, ВЛЕН призна дека не бележи успеси, надвор од секоја пропаганда. Самите тие пишуваат дека ДУИ наводно имала интерес „ВЛЕН да не бележи успеси“. Но, прашањето е едноставно: кои успеси? По повеќе од две години на власт, самиот факт што сè уште зборуваат за успеси што треба да ги постигнат покажува дека немаат ниту еден успех што можат да им го претстават на граѓаните – наведува ДУИ во соопштение.
Повеќе од две години ВЛЕН не ги реализира уставните измени, не го унапреди статусот на албанскиот јазик и не обезбеди ниту едно ново право за Албанците. Кога нема успеси, барањето „виновник“, паралелно со нападите врз ДУИ, станува нивната единствена политичка стратегија.
И самите признаваат дека Бадентеровиот механизам е гаранција за заштита на интересите на заедниците. Но, наместо да го зајакнат, предлагаат решенија што го ослабуваат. И тука немаат успех што би можеле да го покажат. Тоа го признаваат и самите!
ДУИ не се плаши од ничиј успех и ќе поддржи секој успех што е во интерес на Албанците. Меѓутоа, ВЛЕН не може да бара заслуги за успеси што не постојат. Граѓаните судат според резултати, според успеси, а не според пропаганда и барање виновници за сопствениот неуспех.
По повеќе од две години во Владата, билансот на ВЛЕН останува ист: многу пропаганда, многу напади врз ДУИ и ниту еден конкретен успех за Албанците, додаваат од ДУИ.