„Државата го уби Оливер по вторпат“: Протест против пресуда од 18-месечна затворска казна за возач кој прегази млад битолчанец
Несреќата се случи во месец јули 2020 година, а пресудата е донесена пред неколку денови. За семејството за трагично загинатиот Оли Петровски кој тргна, но не стигна на работа, казната е ниска.
Неговиот брат Бојан Петровски посочи дека државата го убила Оливер по втор пат.
За прегазувањето на 25-годишниот битолчанец кој управувал електричен тротинет обвинетиот 21-годишен возач на „фолксваген туран“ добил казна затвор од 18 месеци.
„Ви најавувам дека на 21-ви мај (в сабота), во 12 часот напладне, на плоштадот Магнолија во Битола, ќе се одржи протест во моја организација. ФБ Настанот за протестот е на следниот линк: https://www.facebook.com/events/327601906112808?ref=newsfeed
Причините за протестот се следни: пред неколку дена беше објавена срамната пресуда на судијката од Основниот суд Битола, Татјана Петровска, која го осуди убиецот на мојот брат (кој загина во сообраќајна несреќа во 2020-та година, а за која немаше никаква вина), на срамни 18 месеци затвор“, напиша братот на загинатиот Оливер.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа