Со засилени безбедносни мерки, вклучително и употреба на дронови и хеликоптери во Анкара и Истанбул, денеска во Турција почна новата учебна година. Мерките доаѓаат по смртоносниот инцидент во април во Кахраманмараш, кога ученик уби 10 лица.
Според податоците од „Анадолија“, околу училишните објекти беа распоредени летала, а специјализирани полицискиединици вршеа проверки.
Министерот за внатрешни работи Мустафа Чифтчи изјави дека низ целата земја ќе бидат распоредени 31.000 надзорници во училишните простори, со задача да ја обезбедуваат безбедноста на игралиштата. За контролата на училишните влезови обезбедени се и рачни детектори за метал.
Министерот за правда Акин Ѓурлек на социјалната мрежа „Икс“ објави дека националната операција „Безбедни улици“ била насочена против криминални организации кои ја загрозуваат иднината на децата. Од таму најавија и акција против синдикатите за дрога и уличните дилери.
Овие чекори наидоа на критики од синдикатот на просветните работници „Еѓитим-Сен“, од каде претходно годинава повикаа, наместо засилено полициско присуство, да се обезбедат демократско учество, подобри образовни врски и социјална поддршка со цел училиштата да станат побезбедни.