Сериозен инцидент се случил ноќеска во скопската населба Ѓорче Петров, каде непознат сторител фрлил две запалени стаклени шишиња кон семејна куќа.
Според полицискиот билтен на МВР, случајот бил пријавен во 03:22 часот по полноќ од страна на 49-годишна сопственичка на куќата. „Едно од стаклените шишиња паднало во дворното место до паркирано товарно возило, а второто паднало на тераса од куќата и предизвикало пожар“, информираат од полицијата.
За среќа, нема повредени лица. Членовите на семејството реагирале брзо и успеале сами да го изгаснат пожарот пред да предизвика поголема материјална штета. Полициски екипи извршиле увид на местото на настанот и се преземаат мерки за расчистување на случајот и пронаоѓање на сторителот.