Влажноста на почвата по долгото сушно лето значително е намалена, па дождот е потребен и добредојден за успешна есенска сеидба, велат агрометеоролозите од УХМР во врска со бранот врнежи што ја зафати земјава.
Тие препорачуваат земјоделските производители да продолжат со грижата за посевите.
-Одредени есенски култури се во период на предсеидбена подготовка на која треба да се посвети посебно внимание. Површината на почвата треба длабоко да се обработи, а по оваа обработка да следи и дополнителна предсеидбена и површинска обработка. Целта на дополнителната обработка е да создаде растресит и иситнет површински слој на почвата во кој ќе се посее семето. Паралелно со обработката на почвата треба да се изведе и основното ѓубрење, како важна агротехничка мерка, бидејќи поголемиот дел од нашите почви се скудни со азот и фосфор. Со навремена и правилно изведена обработка на почвата се создаваат услови за акумулирање доволно влага и се стимулира активноста на корисни почвени микроорганизми, објаснуваат агрометеоролозите.
Информираат и дека останатите земјоделски култури или повеќето од нив се во фаза на берба или веќе плодовите им се собрани