Дошол на свет среде земјотрес - драматично породување во Хрватска
За време на денешниот најсилен земјотрес во изминативе два дена во Хрватска, со јачина од 6,2 степени според Рихтерова скала, во болница во Сисак една жена била на породување.
„Мајката и бебето се добро, се помина во најдобар ред“, рекол директорот на болницата, Томислав Дујменовиќ.
Хрватските медиуми претходно пренеле дека едно бебе во инкубатор е повредено но Дујменовиќ изјавил дека нема информација за тоа.
Тој додал дека штетата во болниците е голема.
„Срушени се интерните одделенија, единицата за интензивно лекување, хирургијата, гинекологијата. Може да се каже дека остана само новата зграда. Сите пациенти ги селиме во новата зграда. Најголем дел од срушените згради веќе не се во употреба“, рекол Дујменовиќ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
