Премиерот Христијан Мицкоски, при денешниот увид во градежните активности на Универзалната сала, се осврна на актуелната состојба со цените на горивата и враќањето на стапката на ДДВ на 18%. Според премиерот, државата успешно се справува со последиците од глобалните енергетски движења.
Мицкоски оцени дека мерките кои ги презема Владата се „робусни“ и навремени, со што се успеало да се задржи ценовното ниво во пристојни граници. Тој ги отфрли обвинувањата дека враќањето на ДДВ-то е преурането, посочувајќи дека Македонија е пример за менаџирање со увезената криза.
„Не мислам дека е преуранета, напротив Македонија како држава веќе два месеци е пример за начинот како се справуваме со оваа енергетска криза. Ова е увезена криза поради геополитичките случувања. Ние сме една од ретките држави која што направи ваква робусна мерка веднаш и со тоа успеја да го задржи нивото на едни пристојни граници. Според нашите калкулации, јас очекувам дека денес повторно дизелот ќе поевтини, за 2 до 2,5 денари, бидејќи минатата недела просекот берше таков на плац во Флоп Италија што за нас претставува репер берза“, изјави Мицкоски.
Оваа најава доаѓа во очекување на одлуката на Регулаторната комисија за енергетика (РКЕ), која попладнево треба да го објави новиот ценовник на горивата што ќе важи од полноќ.