До мај ќе бидат испорачани околу 237 милиони вакцини во 142 земји

Околу 237 милиони дози од вакцината „АстраЗенека“ против Ковид-19 се очекува да бидат доставени во 142 земји до крајот на мај во рамките на програмата „Ковакс“, изјави денеска генералниот директор на Светската здравствена организација Тедрос Аданом Гебреисус.

Тој рече дека е предвидена испорака на вакцини во Ангола, Камбоџа, Демократска Република Конго и Нигерија, јави Ројтерс.

Претседателот на Гана, Нана Акуфо-Адо изјави дека во неговата земја започнала имунизацијата со вакцини од програмата „Ковакс“.

Денес, преку програмата „Ковакс“ беше одобрена набавка на околу 1,8 милијарди дози вакцини во 2021 година, што е за околу 500 милиони повеќе од планираното на крајот на минатата година, објави организацијата задолжена за координација на програмата „Ковакс“.

Првиот човек, Сет Беркли, рече дека се надева дека преку „Ковакс“ успешно ќе завршат преговорите за набавка на дополнителни 1,1 милиони дози вакцини „Новавакс“.

Тој објасни дека има доцнење во испораката на одреден број вакцини за „Ковакс“ од компанијата Фајзер / Бионтек поради дополнителни барања од производителите во врска со исплатата од обештетување, објави Ројтерс.

Советникот на Светската здравствена организација Брус Ејлворд потврди дека планот за започнување на вакцинацијата во рамките на програмата „Ковакс“ во првите 100 дена од оваа година во сите земји кои учествуваат во таа програма е сè уште валиден, под услов производителите да се придржуваат до договорените рокови за испорака.

Макфакс

 

 

 

Добивајте вести на Viber

02.03.2021 - 16:01

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега